Бастакы өрөспүүбүлүкэтээҕи олоҥхо олимпиадата
Бу дьыл сэтинньи 25-30 күннэригэр Дьокуускай куорат Үөрэҕин дьаһалтатын «Тыыннаах тыл» бырайыагын чэрчитинэн, С.Н.Донской-II аатынан Үөрэҕи сайыннарар уонна идэни үрдэтэр институт филология кафедрата, Дьокуускай куорат үөрэҕин салалтата, уонна “Айыы кыһата” национальнай гимназията тэрийбит 7-10 кылаас үөрэнээччилэригэр анаан өрөспүүбүлүкэтээҕи олоҥхо олимпиадатын тэрийэн ыытта.
Уус-уран тылынан сааһылаан суруйар, ааҕар, сиһилии ымпыктаан быһаарар, толкуйдуур, хоһуйар үөрүйэҕи иҥэрэр сүдү айымньы олоҥхо буоларын биллэрэр сыаллаах олимпиадаҕа 7 кылааска-53, 8 кылааска-26 , 9 кылааска-52, 10 кылааска-21 – барыта 152 үөрэнээччи Нам, Таатта, Абый, Ньурба, Мэҥэ-Хаҥалас, Сунтаар, Бүлүү, Уус-Алдан, Үөһээ Бүлүү, Амма, Кэбээйи, Горнай, Ленскэй улуустарыттан уонна Дьокуускай куораттан кытынна.
Олоҥхо олимпиадатын сорудаҕа үс түһүмэхтээх ыытыллынна. Бастакы түһүмэҕин бастакы чааһыгар олоҥхо ис хоһоонугар сыһыаннаах ыйытыктарга хоруйдааьын, бастакы түһүмэх иккис чааһыгар ситэрэр сорудахтардаах улэ, онтон иккис чааһыгар бэриллибит тиэмэҕэ үөрэппит олоҥхолоругар тирэнэн бэйэ суруйуута уонна үһүс түһүмэх олоҥхо ис хоһоонугар сыһыаннаах тыллары быьаарыы этэ.
Олоҥхо олимпиадатыгар көхтөөхтүк кыттыбыт бары үөрэнээччилэри уонна учууталлары эҕэрдэлиибит. Олоҥхону билэр, ааҕар, ырытар дьоҕургут сайда турдун! Ситиһиини!
Липатова С.А., «Тыыннаах тыл» бырайыак «Олонхо» туьулгэтин салайааччыта.
