“Алгыстаах саха тыла» фестиваль-конкурс буолан ааста
Бу сыл олунньу 17 күнүгэр Өрөспүүбүлүкэтээҕи “Төрөөбүт тыл уонна сурук –бичик” декадатын чэрчитинэн Оҕо дыбарыаһын киинигэр(дириэктэр Колодезникова М.П.) “Алгыстаах Саха тыла” диэн ааттаах улахан тэрээһин буолан ааста. Манна Дьокуускай куорат саха тыллаах уонна саха тылын, олохтоох омуктар культураларын нуучча оскуолатыгар үөрэтэр учууталлар, салайааччылар, оскуола оҕолоро уонна төрөппүттэр көхтөөхтүк кытыннылар.
Тэрээһин төрөөбүт тылы үөрэтии туругун көрдөрөр, саха тылын, литературатын үөрэтиигэ урдүк ситиһиилээх учууталлары, оҕолору быһааран чиэстээһин, сахалыы тылынан ааҕыыны көҕүлээһин, салгыы төрөөбүт тылы, литератураны, культураны дириҥник үөрэтиигэ уһуйар сыаллаах- соруктаах ыытылынна.
Бу улахан тэрээһин Дьокуускай куорат 17 №-дээх оскуолатын учуутала Гоголева В.Р. алгыһынан саҕаланна. Салгыы Дьокуускай куорат Үөрэҕин управлениетын аатыттан Аргунова М.С. эҕэрдэ тылы эттэ уонна оҕону иитиигэ-үөрэтиигэ ураты кыһамньылаах төрөппүттэргэ анал номинацияны туттартаата. Мантан салгыы ыҥырыылаах ыалдьыттар: С.А.Новгородов аатынан “Бичик” национальнай кинигэ кыһатын үөрэх уонна оҕо кинигэтин киинин редактора Константинова С.Ф. саҥа кинигэлэр уонна ХИФУ доцена, тыл педагогика билимин кандидата, методист, РФ үтүөлээх учуутала Гурьев Г.И. саҥа тахсыбыт таба суруйуу тылдьытын уонна саха тылыгар үөрэх кинигэтин тустарынан кэпсээтилэр. Кинилэр учууталларга уонна оҕолорго анал номинациялары туттартаатылар.
Төрөөбүт тылы уһун сылларга уһуйан үөрэппит бэтэрээн учууталларбыт: А.А. Корнилова, Е.М.Малышева, Л.Д.Кривошапкина, кэс тылларын этэн туран, дэгиттэр талааннаах учууталларбытыгар Саввинова А.Ф., Поротова С.Е., Осипова А.М., Мокрощупова А.М. “Профи –учуутал” диэн ааттаах анал номинацияны туттардылар.
Олимпиадаҕа, араас таһымнаах научнай –практическай конференцияларга үрдүк көрдөрүүлээх уонна тэрээһиннэргэ көхтөөхтүк кыттар оҕолорго эмиэ анал ааттар иҥэрилиннилэр. Ол курдук:
“Дириҥ билиилээх бастыҥ үөрэнээччи” аатын биэс оҕо ылла:
1.Находкина Айталина– Дьокуускай Куораттааҕы национальнай политехническай гимназиятын үөрэнээччитэ;
2. Зыкова Айыына – Дьокуускай куорат 12 №-дээх орто оскуолатын үөрэнээччитэ
3. Свинобоева Катерина - Дьокуускай куорат 31 №-дээх орто оскуолатын
11кылааһын үөрэнээччитэ:
4. Потапов Коля - Дьокуускай куорат 6 №-дээх ситэтэ суох орто оскуолатын үөрэнээччитэ;
5. Никитина Ирина - Дьокуускай куорат 1 №-дээх орто оскуолатын
9 кылааһын үөрэнээччитэ;
“Чинчийэр улэҕэ бастыҥ көрдөрүүлээх үөрэнээччи» аата маннык оҕолорго ананна:
1. Егорова Татьянаҕа - Дьокуускай куорат 17 №-дээх орто оскуолатын
11 кылааһын үөрэнээччитигэр;
2. Иннокентьев Андрейга - Дьокуускай куорат 12 №-дээх орто оскуолатын үөрэнээччитигэр;
3.Борисова Иринаҕа – Саха политехническай лицей үөрэнээччитигэр;
4. Кириллин Сергейгэ – Саха гимназиятын үөрэнээччитигэр
5. Захарова Арьянаҕа - Дьокуускай Куораттааҕы национальнай политехническай гимназиятын Айыы кыһатын үөрэнээччитигэр:
“ Айар куттаах бастыҥ үөрэнээччи” ааты маннык оҕолорго иҥэрдилэр.
1. Жиркова Сааскылаана – Марха 1№-дээх орто оскуолатын 9 кылааһын үөрэнээччитэ;
2. Петрова Анастасия - Дьокуускай Куораттааҕы национальнай полититехническай 2 № -дэээх орто оскуолатын үөрэнээччитэ;
3. Гуляева Валентина - Хатас орто оскуолатын үөрэнээччитэ;
4. Алексеева Виктория – Дьокуускай куорат 26 №-дээх орто оскуолатын үөрэнээччитэ;
5. Харачикова Анастасия - Марха 1№-дээх орто оскуолатын үөрэнээччитэ;
Итини таһынан, учууталларга маннык номинациялар ананнылар: “Олимпиадаҕа үрдүк көрдөрүүлээх учуутал”, “Чинчийэр үлэни салайар бастыҥ учуутал”, “ Айар куттаах учуутал”.
Ити курдук, Өрөспүүбүлүкэтээҕи “Төрөөбүт тыл уонна сурук –бичик” декадатын чэрчитинэн Оҕо дыбарыаһын киинигэр “Алгыстаах Саха тыла”
тэрээһин үрдүк таһымнаахтык ыытыллыллыбытын бэлиэтиибит.Бу тэрээһиҥҥэ спонсор буолбут гуманитарнай –чинчийэр үнүстүүт салалтатыгар (дириэктэр Алексеев А.Н.), Суруйааччылар сойуустарын правлениетыгар ( салайааччы Харлампьева Н.И.), С.А.Новгородов аатынан “Бичик” национальнай кинигэ кыһатын салалтатыгар (дириэктэр Егоров А.В. ) уонна дьоро күннэ кыттыспыт оҕолорго куорат үөрэҕин управлениетын (салайааччы Петров В.В), куорат саха тылын, литературатын, культуратын учууталларын ааттарыттан барҕа махталбытын тиэрдэбит.
Борисова М.Н, Дьокуускай куорат 26 № -дээх
Оскуолатын саха тылын, литературатын учуутала
