А.Г., Н.К. Чиряевтар ааттарынан национальнай гимназияӄа бастакы кылаас үөрэнээччилэрин конференциялара

 Антонина Гаврильевна уонна Николай Константинович Чиряевтар ааттарынан Дьокуускай куорат национальнай гимназиятыгар 1-кы кылаас үөрэнээччилэригэр «Ступеньки к творчеству» диэн научнай-практическай конференция буолан ааста.
 1 кылаас учууталлара Ольга Вадимовна Петрова, Светлана Еремеевна Герасимова, Эжанна Николаевна Яковлева үөрэнээччилэрин чинчийэр үлэӄэ умсугутан оӄолор олус интэриэһинэй уонна тоӄоостоох темаларга кытыннылар.

 Кырачаан кыттааччылар чинчийэр үлэлэрин матырыйаалын баһылыыллара, умсугуйан туран үөрэтэллэрэ көстөр. Ол курдук, 1б кылаас үөрэнээччилэрэ Милана Федорова дьиэтигэр иитэр улиткатын туһунан кэпсээтэ, оӄолорго көрдөрдө. Ахатина диэн улитка көрүҥүн иитэр эбит. Бу улитканы хайдах аһатарын, ыраастыырын туһунан оӄолор олус  интэриэһиргээн иһиттилэр. Баӄалаах истээччилэргэ биирдии улитка оӄотун бэлэхтээтэ. Сандаара Местникова Саха сиригэр кыстыыр дьэдьэн туһунан үлэтин билиһиннэрдэ. Кини бэйэ оӄуруотугар үүммүт дьэдьэн амтанныын атынын туһунан, дьэдьэнин хайдах харайарын, олордорун туһунан хаартыскаӄа көрдөрөн истээччилэр биһирэбиллэрин ылла. Артем Уйгуров легонан Аӄа дойдуга кыттыбыт танкалар араастарын  оҥорорун уонна ол танкалар тустарынан энциклопедияттан ааӄан билбитин туһунан кэпсээтэ, танкаларын көрдөрдө. Ити курдук, бииртэн биир интэриэһинэй дакылааттары  1 кылаас үөрэнээччилэрэ иһитиннэрдилэр.

 Конференция түмүгэр оӄолор туоһу сурук, анал аат, миэстэлэспиттэрин туһунан грамота тутан үөрүүлэрэ үксээтэ.

Оӄо кыра эрдэӄиттэн чинчийэр үлэтигэр болӄомто ууран эбии дьарыктыыр, кинилэр киэҥ билиилээх дьон буолалларын туһугар күннэтэ түбүгүрэр учууталларбытыгар биһиги, төрөппүттэр, улахан махталбытын тиэрдэбит.

Л.Е. Уйгурова, төрөппүт.