Экспердэр үөрэнэллэр
13 ноября, 2019 - 12:02
Нэдиэлэ саҕаланыытыгар саха тылыгар Өрөспүүбүлүкэтээҕи сүрүннүүр эксээмэн экспердэринэн үлэлиир Дьокуускай куорат саха тылын уонна литературатын учууталлара, Борисова М.Н. салайааччылаах, анал үөрэххэ кытыннылар. Үөрэххэ уонтан тахса учуутал сылдьан, эксперт аатын хос бигэргэттилэр. Үөрэҕи Учууталлар идэлэрин үрдэтэр үнүстүүт тэрийдэ.
Эксперт учууталларга үөрэҕи ХИФУ саха тылын каапыдыратын сэбиэдиссэйэ Чиркоева Д.И. ыытта. Эксперинэн үлэлиир Дьокуускай куорат 2,17, 23, 26, 38, Саха гимназията, СПЛ, Тулагы орто оскуолаларын учууталлара үөрэнээччи толорор барыйаанын сыаналыыр кэриҥнэрин быһаардылар, ырыттылар. Экспердэргэ ирдэбил чопчуланна. Маннык үөрэх сылын аайы ыытыллар.
