31 №-дээх оскуолатыгар Олоҥхо театрын артыыстара ыалдьыттаатылар

 Сэтинньи 12 күнүгэр Дьокуускай куорат 31 №-дээх оскуолатыгар Олоҥхо театрын артыыстара  ыалдьыттаатылар. Тэрээһин Олоҥхо декадатыгар ананан  ыытылынна.

 Артыыстар  бэйэлэрин  үлэлэрин туһунан  оҕолорго кэпсээтилэр. Олоҥхоттон быһа тардыылары ааҕа-ааҕа, ырыаларынан, тойуктарынан ситэрэн-хоторон биэрдилэр, оҕолору кытта дуоһуйа  сэһэргэстилэр.  Үөрэнээччилэр  болҕойон олорон иһиттилэр, олус астыннылар, үөрдүлэр.

 Олоҥхо тыйаатырын  артыыһа Лена Уваровская –Оленёва  үөрэммит оскуолатыгар сылдьан, айар үлэ умсулҕаныгар уһуйбут, тапталлаах учууталыгар Молукова Людмила Федоровнаҕа махтал тылларын анаата.Т

 Түмүгэр , оҕолор артыыстары кытта көрсүһүү  туһунан  астыммыт санааларын сурукка тиһэн, үллэһиннилэр.

 Дьокуускай куорат 31 №-дээх оскуолата.