Литература сылынан суруйааччылардыын көрсүһүү

   Ахсынньы 22 күнүгэр Дьокуускай куораттааҕы национальнай гимназияҕа П.А. Ойуунускай аатынан литературнай музей үлэһиттэрин кытта холбоһуктаах, Литература сылын түмүктүүр үөрүүлээх тэрээһин буолан ааста.

    Бу дьоро күн Иван Мигалкин, Николай Винокуров–Урсун, Елена Слепцова-Куорсуннаах, Саргылаана Гольдерова-Саргы Куо, Анатолий Старостин-Сиэн Кынат, Александр Постников-Сындыыс, Валериан Николаев Саха гимназиятын, «Айыы Кыһатын», №1, №2, №7, №26, №31оскуолаларын үөрэнээччилэрин, учууталларын кытта көрсөн, санааларын эттилэр, айымньыларын билиһиннэрдилэр.

Хас биирдии оскуола суруйааччыларга анаан эҕэрдэ нүөмэрдээх, сэмэй бэлэхтээх кэлбиттэр. Ыҥырыылаах ыалдьыттар үөрэнээччилэр аахпыт хоһооннорун олус биһирээн  хайҕаатылар, алгыс тылларын анаатылар.

Анисимова Г.С., Соловьева А.А.