«Төгүрүк остуол» тула сүбэ мунньах буолла
Олунньу 19 күнүгэр Саха политехническай лицейгэ Дьокуускай куорат библиотекардарын уонна саха тылын, литературатын уонна төрүт культура учууталларын холбоһуктаах «Төгүрүк остуол» тула сүбэ мунньах буолла.
Түмсүү сүрүн сыала –соруга: сахалыы тылынан ааҕыыны көҕүлүүргэ библиотека уонна саха тылын, литературатын уонна төрүт культуратын учууталларын биир ситимнээх бырайыагын тэрийии.
Куорат 26-с,17-ис,29-ус нүөмэрдээх оскуолаларын уонна Дьокуускай куораттааҕы национальнай гимназия, Саха гимназиятын библиотекардара, учууталлара ааҕыыны көҕүлүүр араас хайысхалаах үлэлэрин, бырайыактарын кэпсээн, уопуттарын атастастылар.
Түмүккэ ийэ тыл уонна сахалыы тылынан ааҕыы суолтатын үрдэтэр, туттуллар эйгэтин кэҥэтэр сыаллаах-соруктаах саҥа тэриллибит түмсүү хамыыһыйа талан, үлэлэрин инники хайысхатын торумнаатылар.
Анна Соловьева.
