Утум ситимэ - Саха фольклорун уонна кини уратыларын туҺанан төрөөбүт дойдуга тапталы иитии

Төрөөбүт тыл, сурук-бичик күнүгэр аналлаах П.И.Кочнев аатынан Тулагы орто оскуолатыгар “Өбүгэлэрбит оонньуулара” буолан ааста. Саха Республикатыгар киэҥник биллибит, “А5а – 2023с” күрэх икки төгүл кыайыылааҕа, 3-с Республикатаа5ы «Учитель – профессия мужская» күрэх Лауреата, Арассыыйатаа5ы «Школа территория здоровья» күрэх кыайыылааҕа, Өрөспүүбүлүкэтээҕи “Строганина” күрэх хас да төгүллээх кыайыылааҕа, Винокуров Александр Ильич Ф.И.Авдеева аатынан «О5о ДыбарыаҺын” физкультура учуутала — Винокуров Александр Ильич ыалдьыттаата.

Александр Ильич “Остуол оонньуутун” автора. 1-кы, 8-с кылаас оҕолоро “Остуол оонньууларын” олус сэргээтилэр, сөбүлээтилэр. Хас биирдии оонньуута оҕо дууһатын хамсатан дуоһуйа оонньоотулар.

“Остуол оонньуулара” булугас өйдөөх, бэйэтин кыанар, тулуурдаах, кыайыгас-хотугас, харах уонна илии кыра былчыҥнарын сайыннарар кыахтаахтар, бол5омтолоох буоларга үөрэтэллэр. КиҺиэхэ бу хаачыстыбалары сайыннарарга анаан айыллыбыттар. Хас биирдии оонньууларыгар саха олоҕо-дьаҺаҕа, төрүт дьарыктара, өйө-санаата, айылҕаҕа сыҺыана арылхайдык көстөр. Оҕо доруобуйатын туругурдар, этин-сиинин эрчийэр, санаатын көтөҕөр күүстээхтэр. Билиҥҥи кэмҥэ олус көдьүүстээх, дьиэ-кэргэн дьиэҕэ түмсэр кэмигэр оҕолуун-улаханныын бииргэ оонньоотоҕуна, оҕо этэ-хаана, өйө-санаата сайдарыгар, улахан суолталаах буолуо этэ.

Тулагы орто оскуолатын саха тылын, литературатын учуутала Сидорова Августа Семеновна