Төрөөбүт тыл, сахалыы сурук-бичик күнүгэр аналлаах "Төрөөбүт тыл түмэр түһүлгэтэ" бэстибээл
Олунньу 17 күнүгэр Дьокуускай куорат оскуолаларын "Тыыннаах тыл" бырайыагынан 'Төрөөбүт тыл уонна сурук - бичик" күнүгэр аналлаах куорат оскуолаларын улахан тэрээһинэ үрдүк таһымнаахтык буолан ааста.
![]() |
Бу тэрээһини Дьокуускай куорат үөрэҕин салалтата, саха тылын, литэрэтиирэтин, култууратын учууталларын методическай холбоһуга, "Алгыстаах сахам тыла" уопсастыбаннай түмсүү иилээн- саҕалаан тэрийэн ыыттылар.
Тэрээһин сиэр - туом, алгыс толоруллуутунан саҕаланна. Алгысчыт Каратаева Л.А., Дьокуускай куорат 38√-дээх Орто оскуолатын учуутала, кэлбит оҕолору, учууталлары, ыалдьыттары, төрөппүттэри хомоҕой тылынан, кылыһахтаах куолаһынан туойан алҕаата. Хатас орто оскуолатын оҕолоро, арыаллаатылар, Борисова М.Н. сахалыы үгэс дьайыыларын толордо.
Салгыы куорат хас да оскуолатын ( Айыы кыһата, 7, 38 оскуолалар) оҕолоро чахчы да чаҕылхай нүөмэрдэри көрдөрөн, кэлбит ыалдьыттары, барыбытын даҕаны, долгуттулар. Тэрээһин аһыллыытын Дьокуускай куорат эр дьон дириэктэрин хора "Сахам сирэ" ырыанан түмүктээтэ.
Салгыы оҕолор 4 хайысханан арахсан билиилэрин - көрүүлэрин ырытыһан, сатабылларын көрдөрдүлэр. Барыта 20 - тэн тахса оскуолаттан оҕолор кэлэннэр кыттыыны ыллылар.
![]() |
Ол курдук “Аман өс”, биктэриинэ, "Хоһоонноохтук ааҕыы", "Өс хоһооннорунан олимпиада" буоллулар. Манна барытыгар оҕолор көхтөөхтүк кытыннылар. Хайысхаларынан тус - туспа араас тэрилтэлэртэн кэлбит, анал экспертэр үлэлээтилэр. Оскуола учууталлара, анаммыт хайысхаларын кыайа - хото тутан, күрэхтэһиилэрин үрдүк таһымнаахтык ыыттылар. Күрэхтэһиигэ кыттыспыт оҕолор бары да билиилээх- көрүүлээх, кыахтаах эбиттэр. Ол эрээри Айыы кыһата, Саха гимназията, ЯГНГ, СПЛ, 2, 7, 12, 17, 38 , 23 39 оскуола, Хатас, Тулагы оскуолатын оҕолоро ураты дьоҕурдаахтарын көрдөрдүлэр. Атын да оскуолалар түмүктэрэ дьоһуннаах буолла.
![]() |
Бу тэрээһин кыттыылаахтарыгар, оҕолорго, хайысха эппиэттээх учууталларыгар барҕа махталбытын тиэрдэбит. Тэрээһиммитин өйөөбүт, күүс - көмө буолбут Үөрэх управлениетын салалтатыгар, методическай холбоһук салайааччытыгар, алгысчыппытыгар сүһүөхтээх бэйэбит сүгүрүйэбит, хоолдьуктаах бэйэбит хоҥкуйабыт.
“Алгыстаах сахам тыла” саха тылын учууталларын түмсүүтүн
бэрэстээтэлэ Борисова Марианна Николаевна.