«Саҥарабыт, билэбит, сайдабыт» - төрөппүттэргэ, иитээччилэргэ аналлаах методическай көмө хомуурунньугу куорат уhуйааннарыгар туттардылар
13 февраля, 2025 - 10:06
Төрөөбүт тыл сурук-бичик күнүн көрсө, Олунньу ыйдааҕы үөрэх үлэһиттэрин сүбэ мунньахтарыгар Евгений Григорьев, Дьокуускай куорат баһылыга, Мария Петрова, куорат уокуругун дьаһалтатын үөрэххэ салайааччыта быһаччы өйөбүллэринэн, үбүлээһиннэринэн Самара куоракка бэчээттэнэн тахсыбыт «Саҥарабыт, билэбит, сайдабыт» - төрөппүттэргэ, иитээччилэргэ аналлаах методическай көмө хомуурунньугу куорат уhуйааннарыгар туттардылар.
 |
Бу тэттик кинигэҕэ «Ийэ тылынан иитии» методическай холбоһук салайааччыта Люция Ильинична Дедюкина саха тылын баайын хаҥатарга, өйгө тутарга, дорҕоонноохтук ааҕа үөрэнэргэ лоскуй хоhооннору, ырыалары хомуйан киллэрбит.
 |
«Оҕо төhө элбэх ырыаны-хоhоону өйүгэр тутар, оччонон кини сайдар, билиэн-көрүөн баҕата эбиллэр. Ийэ тылынан кэпсэтиини дьиэ кэргэнтэн саҕалаан тэнитэн иhиэҕин күндү төрөппүттэр!»,-диэн этэр ааптар.
Төрөөбүт тыл, сурук-бичик күнүнэн, үөрэтии-иитии эйгэтин бары үлэһиттэригэр истиҥ эҕэрдэ.
Туругура тупса тур,
Тирэҕирэ чиҥии тур!
Тоҕойдору туораан ис,
Арҕастары ааһан ис,
Саргы дьайаан сахам тыла
Сарыал санаа - сахам тыла!
