20-с №-дээх орто оскуолаҕа "Учуутал үлэтигэр сыыппара эйгэтин туһаныы уонна аттестацияҕа уларыйыылар" диэн семинар-көрсүһүү буолла
Бүгүн, алтынньы 28 күнүгэр, Дьокуускай куорат биир бастыҥ, кырдьаҕас 20-с №-дээх орто оскуолатыгар төрөөбүт төрүт тылы үөрэтэр учууталларга аналлаах, үөрэтэр- көрдөрөр, иһитиннэрэр сыаллаах, олус киэҥ ис хоһоонноох, дириҥ толкуйдаах, түмүктээх "Учуутал үлэтигэр сыыппара эйгэтин туһаныы уонна аттестацияҕа уларыйыылар" диэн семинар- көрсүһүү буолла.
![]() |
Куйаар ситимин үгүс сыһыарыыларын баһылаабыт Марианна Макаровна Федорова, бэйэтин сыралаах үлэтигэр олоҕуран, оҕо кэрэхсэбилин ылар, араас ньыманы көрдөрдө, үөрэттэ. Хас биирдии учуутал туспутугар туһаныахпыт диэн, үөрдүбүт, сэргээтибит.
![]() |
Эдэр, эрчимнээх, саҥалыы көрүүлээх оскуола директора Новоприезжай Андрей Иванович оскуола историятын, үлэтин хайысхатын, инники былааннарын сиһилии истиҥник билиһиннэрдэ.
Төрөөбүт дойдуга бэриниилээх буолууну өрө тутан үлэлиир биир идэлээхтэрбитигэр өссө үрдүк ситиһиини баҕарабын.
![]() |
Семинар- көрсүһүү барылын быһыытынан төрөөбүт тылы, литератураны үөрэтэр учуутал, аттестация ааһар тематын, үөрэх чааһыгар директоры солбуйааччы Матвеева С. Г. дьоһуннук тоһоҕолоон кэпсээтэ.
![]() |
Семинар- көрсүһүү түмүгэр, куораттааҕы саха тылын, литературатын, төрүт норуоттар культураларын үөрэтэр учууталлары салайааччы Заболоцкая У. В. үлэ-үөрэх инники барылын- торумун чуолкайдаан быһаарда.
Марианна Макаровнаҕа, бары коллегаларыгар барҕа махталбын тиэрдэбин.
Антонина Антоновна Ильина, Дьокуускай куорат 2- с #- дээх национальнай политехническай орто оскуола, саха тылын, литературатын учуутала.