«Ийэ тылым – көтөр кынатым» босуобуйа тула санаа атастаһыы

Н.И. Шарин аатын сүгэр Дьокуускай куорат 39№-дээх үөрэхпит кыһатыгар үөрүүлээх күн буолла. Ол курдук, «Ийэ тылым – көтөр кынатым” диэн ааттаах дьоһуннаах, киэҥ далааһыннаах, тупсаҕай оҥоһуулаах методическай босуобуйаны сырдатар-иһитиннэрэр, киэҥ араҥаҕа тарҕатар, санаа атастаһар тэрээһин олус истиҥник ааста. 

 

Тэрээhини бастакы кылаас үөрэнээччилэрэ  Миронов Байдам, Бубякина Злата уонна уhуйаан иитиллээччитэ Миронова Ева «Күндү Ийэбэр»   хоhоонунан арыйдылар. 

Бүгүҥҥү тэрээһиҥҥэ кыттыыны ыллылар, босуобуйаны хомуйан оҥорбут ааптардар: “Мичээр” оҕону сайыннарар киин үрдүк категориялаах уһуйааччылара уонна иитээччилэрэ  Анна Васильевна Васильева, Аида Иннокентьевна Жерготова, Анна Елисеевна Захарова, Сардана Алексеевна Чемезова, Дьокуускай куорат 39 №-дээх «Ромашка» уһуйаан логопеда  Федора Егоровна Романова, Дьокуускай куорат 105 № - дээх “Умка” оҕону сайыннарар киин үрдүк категориялаах иитээччитэ Мария Гаврильевна Ушницкая.

«Ийэ тылым – көтөр кынатым” сахалыы тылынан үөрэххэ аналлаах методическай пособияны Дьокуускай куорат уокуругун дьаһалтатын үөрэххэ Управленията (салайааччы Петрова М.П. пед. наука. кандидата ) Дьокуускай куорат  уһуйааннарыгар сахалыы иитэр-үөрэтэр бөлөхтөрүгэр ыытыллыбыт үлэттэн талан түмүлүннэ. 

“Дьокуускай куорат” уокуругун баһылыга Евгений Григорьев салайааччылаах тылы харыстааһын уонна сайыннарыы бэлиитикэтин хамыһыйатын көҕүлээһининэн быйыл, балаҕан ыйыгар, бэчээттэнэн тахсыбыт.

 

Босуобуйа ааптардара үлэлэрин туһунан сиһилии сырдаттылар, практичексай дьарыктары көрдөрдүлэр. Ол  курдук, Захарова Анна Елисеевна, уһуйаан иитиллээччилэригэр аналлаах оҕо этин-сиинин уһугуннаран, сахалыы дорҕооннору таһаарар хамсаныылаах дьарыгы көрдөрөн сэргэхситтэ.

 

Көрсүhүүбүт олус таhаарылаахтык ааста. А.Д. Макарова аатынан Дьокуускайдаагы култуура уонна искусство колледжын саха тылын литературатын учуутала Александра Николаевна  Васильева, Саха политехническэй лиссиэй доруобуйаларыгар хааччахтаах оҕолору арыаллыыр педагог – тьютор, оҕолор общественнай хамсааhыннарын ситимнээн иитэр үлэҕэ директор сүбэhитэ Гея Семеновна Корнилова уонна  39№-дээх оскуола алын сүhүөҕүн учуутала Мария Ивановна Тихонова  босуобуйа тула  тус санааларын эттилэр. Ол курдук,  сахалыы дифтону сиhилии бигэргэтэр уонна оҕо тылын дьарыктыырга эбии көмө босуобуйа өссе төгүл  бэчээттэнэн киэҥ араҥаҕа тахсара наадалааҕын бэлиэтээтилэр. Методическай босуобуйаны киэҥ араҥаҕа тарҕатарга уонна өссө дириҥэтэн научнай бигэргэтиилээх үлэ барарын баҕардылар. Көрсүһүү түмүгэр оскуола дириэктэрэ Прокопьева Мария Леонидовна ыҥырыылаах ыалдьыттарга махтал сурук туттарда. 

Көрсүһүүнү оскуолабыт 8 “а” кылааһын уоланнара П.А. Ойуунускай “Көҥүл ырыта” хоһоонунан түмүктээтилэр.

 

Дьокуускай куорат 39№-дээх үөрэх кыһатын информационно-библиотечнай киинэ