Өрөспүүбүлүкэтээҕи «ТӨБӨ» (Тобуллаҕас, өйдөөх, булугас өрөгөйдүүр) дистанционнай – күрэх буолан ааста
22 февраля, 2022 - 19:23
Аан дойдутааҕы төрөөбүт тыл күнүгэр, ЮНЕСКО оскуолаларын ситимин өйөбүлүнэн, Саха АССР 100 сылыгар, С.А. Новгородов 130 сааһыгар анаан норуот историятын, култууратын, тылын уонна литэрэтиирэтин туһунан дириҥник билэргэ туһуламмыт үөрэнээччилэргэ аналлаах өрөспүүбүлүкэтээҕи «ТӨБӨ» (Тобуллаҕас, өйдөөх, булугас өрөгөйдүүр) дистанционнай – күрэх буолан ааста.
 |
Оонньууга уопсайа биэстии киһилээх 14 хамаанда кытынна. Нерюнгритааҕы «Арктика» оскуола-интернат, Өлүөхүмэттэн Токко оскуола-интернат, Кэбээйиттэн Мастаах , 2-с Үөһээ Бүлүүтээҕи, Уус-Алдантан Лөгөй , Өймөкөөнтөн Сордоҥноох, Томтор, Өймөкөөн, Сунтаартан Күндэйэ орто оскуолалара, Дьокуускай куорат национальнай гимназията, Дьокуускай 1 №-дээх , 26 №-дээх, 38 №-дээх , уонна Хатас орто оскуолалара кытыннылар.
Саамай тобуллаҕас, өйдөөх, булугас Лөгөй орто оскуолата өрөгөйдөөтө (1м.), 2-с миэстэни Үөһээ Бүлүү 2-с №-дээх оскуолата, 3-һү Күндэйэ орто оскуолатын хамаандата үллэһиннилэр. Кыайыылаахтары эҕэрдэлиибит! Бары кыттыбыт хамаандаларга махтал! Аныгы сырыыга эрэнэ кэтэһэбит.
#международныйденьродногоязыка
Оонньуу сүрүн сыалынан-соругунан оҕо киһи быһыытынан бэйэтин билинэр, өйүн сытыыланар, санаатын сааһылаан саҥарар, биир өйдөөх-санаалаах дьонун кытта сатаан хамаандаҕа бодоруһар, толкуйун үллэстэр, илдьиритэн быһаарар, түргэнник хоруйу тобулар, хомоҕой тылынан кэпсиир дьоҕурун сайыннарыы буолаллар.
Саха гимназията
