Дьокуускай куорат туонатыгар сахалыы тыллаах оскуолалар Олоҥхо декадатын арыйдылар
Сэтинньи 25 күнүгэр тылынан уус- уран айымньыбыт чыпчаала – ОЛОҤХО күнүгэр анаммыт тэрээһин Айыы кыһатын 8 кылааһын үөрэнээччитэ Леня Слепцов П.П. Ядрихинскай – Бэдьээлэ «Дьырыбына Дьырылыатта» олонхоттон быһа тардыыны толоруутуттан уруйданан саҕаланна.
 |
ОЛОҤХО – Саха омук өйө-санаата, култуурата, итэҕэлэ биир сиргэ түмүллэн, инники олохпут оҥкулун оҥорорун бэлиэтээн туран Дьокуускай куорат үөрэҕин дьаһалтатын салайааччыта Алексей Климентьевич Семенов эҕэрдэ тылын эттэ.
Оскуолалар салайааччылара, учууталлар, оҕолор, төрөппүттэр Олоҥхону эдэр көлүөнэ ыччаты иитэргэ төһүү күүс буоларын өйдөөн, бэйэлэрин үлэлэрин-хамнастарын көрдөрбүттэрэ тэрээһин кыттыылаахтарын сэргэхситтэ.
Саха омуга сүгүрүйэр, харыстанар ЫТЫК бэлиэлэрин, төрөөбүт тылбыт сүөгэйин-сүмэтин ОЛОҤХО нөҥүө оҕолорбутугар үөрэтэн, чинчийэн инники олохпут кэскиллээх буоларын туһугар, саймаархай сахабыт тыла үйэлэргэ сүппэтин туһугар бука бары санаабытын ууран туран үлэлиэҕин!
Отдел развития образования
