Улуу Кыайыы 75 сылыгар аналлаах уус-уран ааҕыы күрэҕэ
Дьокуускай куорат үөрэҕин салалтатын көҕүлээһининэн “Тыыннаах тыл” бырайыак чэрчитинэн, олунньу 27 күнүгэр Смарт- библиотекаҕа Кыайыы 75 сылыгар аналлаах уус –уран ааҕыы күрэхтэһиитэ буолан ааста. Бу тэрээһини Дьокуускай куорат 33 №-дээх орто оскуолатын саха тылын, литэрэтиирэтин учуутала Аида Николаевна Васильева иилээн-са5алаан, кыайа-хото тутан ыытта.
![]() |
Дьокуускй куораттан 20 оскуола уонна Таатта улууһуттан 1 оскуола кытттыыны ылла. Барыта 195 о5о кытынна. Оҕолор сэрии тиэмэтигэр анаммыт суруйааччылар айымньыларын биирдиилээн уонна бөлөҕүнэн ааҕан, дьүүллүүр сүбэни да, көрөөччүлэри да астыннардылар. Манна Таатта улууһуттан Харбалаах орто оскуолатын үөрэнээччилэрэ кыттан, 1 миэстэни ылан, тэрээһини сэргэхситэн, киэргэтэн бардылар. Гран-при хаһаайката хоһоону олус үчүгэйдик ааҕан көрөөччүлэри сөхтөрдө. Ити курдук бириистээх миэстэҕэ тигистилэр: Айыы кыһата, 7, 31, 26 уо.д.а оскуолалар. Сорох оскуолалар төһө да миэстэни ылбаталлар, талбыт айымньыларын олус үчүгэйдик ааҕан, бары да сүргэбит көтөҕүлүннэ.
Дьүүллүүр сүбэҕэ анал үөрэхтээх дьоннор үлэлээтилэр. Ол курдук, СӨ үтүөлээх артыыһа Корнилова Марина Валерьевна,СӨ култууратын туйгуна Тартакынова Розалия Васильевна, П.А.Ойуунускай аатынан литературнай музей научнай үлэһитэ Дохунаев Егор Васильевич, Оҕо ааҕыытын киинин кыраайы уөрэтэр салаатын сэбиэдиссэйэ Ефремова Людмила Васильевна уонна Оҕо ааҕыытын киинин кыраайы үөрэтэр салаатын үлэһитэ, ССРС култууратын туйгуна Платонова Аида Власьевна. Бары даҕаны бэйэлэрин идэлэригэр бэриниилээх дьоннор кэлэн,оҕолор үлэлэрин сыаналаан бардылар.
![]() |
Тэрээһиҥҥэ Дьокуускай куорат үөрэҕин салалтатын салайааччыны солбуйааччы Т.Н. Попова кэлэн ааҕыы түһүлгэтин кыттыылаахтарын эҕэрдэлээтэ уонна хоһоонноохтук ааҕыыга ситиһиини баҕарда. Тэрээһин уопсай оҥкулун Дьокуускай куорат үөрэҕин дьаьалтатын отделын салайааччыта У.Г.Сыроватская салайан, тэрээһин үрдүк таһымнаахтык барарын хааччыйда. Дьүүллүүр сүбэ барыта 45 нүөмэри иһиттэ.
![]() |
Оҕолор ааҕыыларын икки бөлөҕүнэн арааран сыаналаатылар. Бөлөҕүнэн ааҕыыга бастакы миэстэни Харбалаах орто оскуолатын үөрэнээччилэрэ ( салайааччы Кривошапкина В.С.), иккис миэстэни Дьокуускай куорат 7 оскуола үөрэнээччилэрэ (салайааччы Осипова А.М.) , үһүс-төрдүс миэстэни “Айыы кыһата” оскуола үөрэнээччилэрэ ( салайааччы Липатова С.А.), Дьокуускай куорат 31 №-дээх оскуолатын үөрэнээччилэрэ (салайааччы Молукова Л.Ф.) ыллылар. Биирдиилээн ааҕыыга Афанасьева Эдуарда 33 оскуола үөрэнээччитэ ( салайааччы Васильева А.Н.) бастакы миэстэҕэ тиксэр чиэстэннэ. Иккис миэстэҕэ Артемьев Рустам 26 оскуола үөрэнээччитэ (салайааччы Пестерева Н.И.), үһүс миэстэҕэ Кокконен Алексей Марха 2 №-дээх оскуолатын үөрэнээччитэ ( салайааччы Жиркова С.Н.) ыллылар. Дьүллүүр сүбэ “Муҥутуур чыпчаал” бэлиэтин Яковлева Айсенаҕа, СПЛ үөрэнээччитигэр, ( салайааччы- Осипова М.В.) үөрүүлээх быһыыга –майгыга туттарда.
![]() |
Бу тэрээһин талааннаах оҕо ахсаана сылтан сыл аайы элбээн иһэрин, ону сэргэ, учууталлар утумнаах үлэлэрин өссө төгүл бигэргэттэ. Үлэҕэ көхтөөхтүк кыттыспыт тэрийээччилэргэ, чуолаан Васильева А.Н., Смарт библиотека салалтатыгар, дьүүллүүр сүбэҕэ, оҕолорун кытыннарбыт учууталларга махталбытын тиэрдэбит.
Васильева А.Н., Молукова Л.Ф., Борисова М.Н.,
Дьокуускай куорат оскуолаларын саха тылын, литэрэтиирэтин учууталлара.