“Айыыһыт алгыһынан” куораттааҕы III Босиковскай ааҕыы

Дьокуускай куорат Саха политехническай лицейигэр 2016 сыл кулун тутар 14 күнүгэр лирик поэт, суруйааччылар союзтарын чилиэнэ, Саха республикатын үтүөлээх учуутала, Учууталлар  учууталлара В. И. Босиков—Василий Босяк 70-сааhыгар аналлаах «Айыыhыт алгыhынан» куораттааҕы III Босиковскай ааҕыы буолан ааста.

"Босиковскай ааҕыы" Дьокуускай куорат 14 №-дээх оскуолатыгар аан маҥнай 2001 сыллаахха Василий Иванович бэйэтэ тэрийэн ыыппыта. Быйылгы ааҕыы В.И.Босиков-Василий Босяк 70 сааһыгар ананна. Сыала-соруга:

1.Куорат оскуолаларын оҕолорун поэзия эйгэтигэр чугаhатыы;

2.Сахалыы оскуола концепциятын олоххо киллэрбит учуутал, общественник, поэт олоҕун, айар үлэтин билиһиннэрэн В.И.Босиков-Василий Босяк ытык аатын үйэтитии;

3.Оҕо чинчийэр, санаатын түмэн сааhылаан этэр сатабылын сайыннарыы;

4.Поэт истиҥ иһирэх тыллаах хоһооннорунан үөрэнээччини иэйиилээх кэрэ эйгэҕэ угуйуу, умсугутуу;

5.Саха тылын, литературатын, культуратын учууталларын бастыҥ опыттарын тарҕатыы.

Тэрээһин лирик поэт истиҥ иһирэх тыллардаах хоһооннорунан олоҕо, поэт айыллаан тахсыытын көрдөрөр дьүһүйүүнэн саҕаланна. Онтон III Босиковскай ааҕыы араас көрүҥүнэн тус-туһунан ыытылынна:

I . “Мин күүстээхпин төрөөбүт тылбынан” чинчийэр үлэ. Бу көрүҥ икки бөлөххө арахсан үлэлээтэ: үөрэнээччилэр уонна учууталлар.

II. “Сүгүрүйэбин икки күүскэ: тылга уонна тапталга” уус-уран ааҕыы. Манна поэт Василий Босяк хоhооннорун биирдиилээн толоруу уонна бөлөҕүнэн уус-уран ааҕыы тус туһунан сыаналанна.

III.“Ымыылаах ыра санаабын ырыа кынаттаан көтүттүҥ” ырыа буолбут хоһоонорунан бастыҥ толорууга күрэх.

IV. “Дьикти алыптаах геройдар өйбөр тиллэн кэллилэр” В.Босяк хоhооннорунан уруhуй уонна оңоhук күрэҕэ.

  Уопсайа Дьокуускай куорат 10 араас оскуолатыттан: Айыы кыһата, ЯГНГ, СПЛ, 6, 9, 17, 20, 26, 29 оскуолалартан, Наталья, Аксинья Посельскаялар ааттарынан хореографическай колледжтан учууталлар, үөрэнээччилэр кыттыыны ыллылар.

  Ааҕыы хас биирдии көрүҥэ барыта биир тыынынан үөрүүлээхтик, Тыл бырааһынньыгын курдук, ааста. Василий Иванович саҕалаабыт үлэтэ Дьокуускай куорат оскуолаларыгар билигин да баарын, салҕана турарын көрдөрдө. Ааҕыы кыттыылаахтара бары сүргэлэрэ көтөҕүллэн, аныгыс сырыыга республика таһымыгар көрсөр баҕалаах тарҕастылар.

Саха тылын уонна литературатын холбоhуга