Тылым миэнэ - барҕа баайым

Былырыыҥы дьылтан, дьаҥ ыарыыта туруоҕуттан улахан мэһэй оҥостубакка тэрээһиннэри куйаар ситиминэн кэтэхтэн ыытан саҕалаабыппыт. Ааспыт сыл оскуола иһинэн маннык күрэх тэрийэн ыыппыт буоллахпытына, быйыл куорат таһымыгар тахсарга холоннубут. Балаһыанньабытын арыый уларытан, буккаас хааннаах оҕолорго диэн, интернациональнай дьиэ кэргэннэргэ саха тылын пропагандалыыр, дьиэ кэргэн үнүстүүтүн өрө көтөҕөр, о5ону  тылыгар иитиини салайар сыаллаах анаан "Тылым миэнэ - барҕа баайым" саха тылынан хоһоонноохтук ааҕыы  күрэҕин оскуолам бибилэтиэкэрэ Дария Михайловна Лобановалыын, баар-суох көмө-тирэх, сүбэ биэрэр киһибиниин, тэрийдибит.
Күрэххэ уопсайа 3 оскуолаттан (Айыы кыһата, №20 оскуола, №3 оскуола) 11 ыал кыттыыны ылла. Кыттааччылар бары таҥастарыгар-саптарыгар, ааҕар миэстэлэригэр тиийэ дьоһуннаахтык оҥостон-туттан аахпыттара хайҕабыллаах.
Тэрийээччи буоларбыт быһыытынан дьүүллүүр сүбэҕэ оскуола таһыттан араас эйгэҕэ үлэлии-хамсыы сылдьар дьону көрдөһөн туруортаабыппыт. Ол курдук, Саха Өрөспүүбүлэкэтин Национальнай бибилэтиэкэтиттэн Оҕо ааҕыытын киинин Айар тиһиктэри уонна бырайыактары сайыннарар салаа сүрүннүүр бибилэтиэкэрэ - Диана Бырдакарова, ОЛОНХО тыйаатырын артыыската - Надежда Лукинова, ОДУН фольклорнай оҕо ансаамбылын салайааччыта - Диана Степанова , Болгар аҥардаах саха итэҕэлин өрө тутар ырыаһыт, элбэх ырыа-хоһоон ааптара Симеонов Владимир - Амычча (уруккута FIESTA), Дойду үрдүнэн ыытыллыбыт "Семья года-2020" күрэх кыайыылааҕа - Ивановтар дьиэ кэргэттэрэ.
Күрэҕи сыһыаннаах экспердэр араас өттүттэн көрөн, ким балаһыанньа бары усулуобуйатын таба толорбутун сөптөөхтүк сыаналаан маннык түмүгү таһаардылар:

"БАСТЫҤТАН-БАСТЫҤ ААҔААЧЧЫЛАР"
Уаровтар дьиэ кэргэттэрэ (№3 оскуола);
1 миэстэ - Варламова Нейна ийэтинээн ("Айыы кыһата" оскуола), Гуляевтар дьиэ кэргэттэрэ (№3 оскуола);
2 миэстэ - Луковцев Миша эбээтинээн (№3 оскуола), Горбакова Аминат эдьиийинээн (№20 оскуола);
3 миэстэ - Горьковенко Малика а5атыныын (№20 оскуола), Чеботарев Антон ийэтин кытта(№3 оскуола), Алексеева Сандаара ийэтин кытта (№3 оскуола);

Ону таһынан "Көрөөччү биһирэбилэ" номинацияны Варламова Нейна ийэтиниин хоһооно ылыан ылла! Бары кыттааччыларга, салайааччыларга, күрэҕи сыаналаабыт экспердэрбитигэр барыгытыгар барҕа махтал! Инникитин да ыытар күрэхпитигэр актыыбынай кыттыыны ыларгытыгар баҕарабыт!

Александрова А.А. №3 оскуола саха тылын учуутала.