«Тыыннаах тыл» социокультурнай бырайыак «Олоҥхо түһүлгэтэ» тэрээһин

 “Тыыннаах тыл” социокультурнай бырайыак партнера Олоҥхо театра уонна бырайыагы сүрүннүүр Дьокуускай куорат Үөрэҕэрии салалтата ситимнээхтик үлэлиир иһин сэтинньи 26  күнүгэр Сөбүлэҥҥэ илии баттастылар, инники былааннары торумнаатылар.

 Кыттыыны ыллылар Алексей Семенов, Дьокуускай куорат Үөрэҕэрии дьаhалтатын салайааччыта, Виталий Власов, Олоҥхо театрын директора, Айыы кыhaтын , Тулагы, Хатас, 2 N орто оскуола үөрэнээччилэрэ, саха тылын учууталлара.

 Оҕолор олоҥхолоон иһитиннэрдилэр, чабырҕах аахтылар, Сахая Нохсорова Айыы кыhaтын фольклор куруhуогун уhyйааччыта эҕэрдэ тойугун бэлэхтээтэ, Олоҥхо театрын артыыстара олонхоттон быha тардыылары толордулар.

 Виталий Гаврильевич бэйэтин этиитигэр олоҥхо диэн тугун, хайдах толоруллуохтааҕын, олоҥхоҕо ким, туох туһунан кэпсэнэрин оҕолорго кылгастык билиһиннэрдэ. Оскуола кэллэктииптэрин, үөрэнээччилэри Олоҥхо театрыгар испиктээкиллэргэ ыҥырда  “Ол оннугар биһиги, эһиги ыҥырдаххытына  маастар-кылаас, муударай бэргэн  этиилэри этэ сатыахпыт” диэн этиитин түмүктээтэ.

 Алексей Климентьевич мустубут дьоҥҥо туһаайан бэйэтин санаатын эттэ: "Бүгүн икки улахан быһаарыылаах күн, ол курдук Олоҥхо декадатын чэрчитинэн Сөбүлэҥҥэ илии баттастыбыт уонна Дьокуускай куорат Үөрэҕэрии салалтата көҕүлээһининэн ааспыт үөрэх сылыттан "Культурный паспорт ученика" диэн бырайыак үлэлии турар. Бу бырайыак түмүгэ ахсынньы ый бүтүүтэ тахсар. Манна ханнык кылаас үөрэнээччилэрэ элбэхтик театрдарга, музейдарга сылдьыбыттара учуоттаныа". Ону таһынан Алексей Семенов оскуола оҕолоругар куорат ыһыаҕар Олоҥхо түһүлгэтин тэрийэн, күрэх ыытар баҕа санаалааҕын этэн туран, куорат саха тылын учууталларыгар ол  былаанын торумнуулларыгар сорудах биэрдэ.

  Информационнай отдел.